Cómo superar unha ruptura en tempo exprés

-
Aquí estou, en París, coñecida como a cidade da luz, e sobre todo como a cidade do amor. Poderíamonos preguntar porqué París é coñecida como a cidade do amor, mais esa é outra historia.

Hai uns días quedei cunha amiga á que había tempo que non vía. E ela, ao verme tras unha ruptura sentimental de máis de 5 anos de relación, propúxome que lle dera a oportunidade a outras persoas de saber cómo recuperarnos e ser felices tras unha separación. En realidade o que me dixo foi “imparte talleres de cómo superar unha ruptura en tempo récord”.  Este comentario fíxome rir, e moito. Agora ben, unha amiga que viveu unha separación uns meses antes, animoume a escribilo.

E aqui estou, en París, a cidade do amor, sentada frente a fermosa NOTRE DAME, escribindo sobre o amor e as rupturas.
E desto vai o blog, do amor, do desamor, do qué sentimos nunha separación e dos pasos que podemos emprender para superar rápido e con éxito unha ruptura sentimental para así desfrutar da vida plenamente con amor e risas.

Recuperarnos rápido dunha separación non significa que non quixeramos á nosa parella. Queriámola, mais a vida continúa a ofrecernos experiencias marabillosas.

Hai moitos tipos de ruptura, porque hai moitos tipos de persoas, de amor, de relacións, de obxectivos na vida e de niveis de madurez – ou momentos vitais, como demo queiramos chamarlle-.  E efectivamente, non é o mesmo enfrontarnos á primeira ruptura que á quinta, e tampouco é o mesmo deixar que que nos deixen.

Con independencia dos diferentes tipos de separación, e de todos e cada un dos sentimentos e das emocións que sentimos, hai pasos comúns que podemos seguir para superar con éxito unha ruptura sentimental.

En cada entrada gustaríame falar dos pasos que a mín me funcionaron - e moi ben- e das miñas reflexións.

Así que empecemos polo primeiro paso, SORRIR. Cústache? Ninguén nos vai sacar unha foto. Incluso pode ser un sorriso forzado pois o importante é o movemento facial. Qué aínda así non es capaz? Propóñoche un exercicio.
Colle un lápiz, sitúao diante da túa boca en posición horizontal, ¿si? ¿está? Pois mórdeo e ensina os dentes. Xa estás sorrindo. A qué foi fácil? Os pasos son máis sinxelos do que a nosa mente pode imaxinar. Anímote a seguir sorrindo e a compartir esta publicación con quen creas que lle pode vir ben.
Vémonos no seguinte post, bueno, no seguinte paso

Aquí engadirei as entradas sobre diferentes pasos para superar unha ruptura sentimental en tempo récord:

1.- Sorrir
2.- Saber qué é o que queremos na vida e o qué esperamos dunha parella.
3.- Verbalizar as emocións
4.- Cambiar as emocións co movemento
5.- Coa cabeza erguida
6.- Cambiar as emocións pensando en positivo
7.- Chorar, rir e sorrir
8.- Compartir tempo cos amigos
9.- Comunicación Cero
10.- ¿Manter a amizade?
11.- Seica un clavo saca a outro clavo
12.- Adicarnos tempo
13.- Practicar o desapego
14.- Renovarse
15.- Facer limpeza e devolver as cousas
16.- Recuperar as nosas pertenzas
17.- Respirar
18.- Comer e durmir
19.- Falar cun profesional
20.- Xestionar a rabia
21.- Dar as grazas
22.- Facer as paces co pasado: destroar ao ex.
23.- Oídos xordos
Versión en español

Comentarios

Publicar un comentario

Publicacións populares deste blog

10. ¿Manter a amizade tras unha ruptura?

-
Imaxe
Este post non o tiña previsto, pero surxiu ao ver as reaccións do post anterior sobre a “ Comunicación cero ”. Este post non é como os demáis. Este post é unha reflexión en alto, mais ben, unha reflexión escrita . Foron varias as persoas que me contactaron para falar sobre o feito de manter a amizade tras unha ruptura . E vin 2 bandos ben diferenciados, - Por unha banda, aqueles, e deixame dicir que a minoria, que defendían que era bo e posible  manter a amizade despois dunha separación e - Por outra banda, aqueles  que, coma min, pensamos que manter a amizade xusto despois dunha ruptura é unha utopí a. Unha moi boa amiga tamén me chamou para dicirme que, se ben a Comunicación Cero era necesaria, tamén era triste non manter ningún tipo de comunicación cunha persoa coa que compartiramos parte da nosa vida e á que tanto quixéramos. O que eu penso que é triste é dicir que se mantén a amizade xusto despois dunha separación. E opino isto, porque ou ben non se va...
Ler máis

Quen se deita con nenos, levántase mollado

-
Imaxe
Cousas de consulta.  Hai un refrán popular que di que quen se deita con nenos, levántase mollado Versión en español   Non sabes como pero un día pasa, e levantácheste mollado. Ti xa hai anos que deixaches de mollar a cama, isto é, de facer pis por ti. Entón pensas en que non te deitaches cun neno. E estás no certo, non te deitaches cun neno senón cun adulto con enuresis nocturna. Entendámonos, cun adulto menor de 48 anos, por exemplo, e non cun adulto maior de 84. ¿E de onde vén esa emisión involuntaria de orinar en adultos?  De nenos que non sentiron todo o apoio dos seus pais.  Resposta do urólogo ao acompañante do paciente, mentres este esperaba polos resultados, e polo paciente.  Que de cousas se aprenden nunha sala de espera dunha clínica calquera nun pobo calquera. Cousas de consulta.
Ler máis

7. Chorar, rir e sorrir

-
Apiques de rematar esta fría estación de inverno, sinto máis forzas para continuar a escribir sobre o amor, o desamor e cómo afrontar as rupturas. Será que a primavera chama á porta? Nos días posteriores a unha ruptura podemos sentir ganas de chorar – sempre e cando non choráramos ríos e mares antes da separación e teñamos o dique xa seco;)-. Se sintes ganas de chorar, faino, exprésao, libérate,  o choro é liberado r. E moito  máis liberardor é rir despois de chorar . O  sorriso  moviliza multitude de músculos faciais e é un xesto poderosísimo.  Qué é o que non se consigue cun sorriso? E a risa moviliza multitude de músculos en xeral. Tanto o sorriso como a risa cambian a emoción, transfórmana. Sorrir.- Así que se se nos “esqueceu cómo sorrir”, se nos custa  sorrir  ou se non somos capaces de facelo, lembremos o  exercicio de SORRIR . Descoida, ninguén nos vai sacar unha foto, e incluso pode ser un sorriso forzado, o importan...
Ler máis