15. Facer limpeza e devolver as cousas

Nos post anteriores, escribín sobre “practicar o desapego” e “renovarse” como 2 pasos para recuperarse con éxito dunha ruptura sentimental. Pois ben, estes 2 pasos creo deben ir acompañados dunha boa limpeza no fogar, a min veume moi ben.

Unha separación amorosa é un momento fantástico para facer unha limpeza xeral da casa. Non hai mal que por ben non veña.

Empecemos por abrir as xanelas para ventilar a casa e que se renove o aire.

Continuemos por abrir os caixóns. Tirar todo aquilo que non usamos é un exercicio moi liberador.  Non significa que o tiremos directamente ao lixo, senón desfacernos diso, ou llo damos a alguén que o poida utilizar ou o tiramos nun colector para que o reutilicen.

E terminemos coa tarefa de empaquetar todo aquilo que sexa da nosa ex parella. Ou é que queremos esas cousas do noso ex para algo? Non, verdade? Pois ben colocadiño en caixas, para que as poidan levar facilmente.

Empaquetar as cousas dunha ex parella, pode resultar moi difícil, mesmo máis que tirar as nosas propias pertenzas. Unha boa idea para que esta acción resulte máis doada é tratar esas cousas con agarimo e depositalas con mimo nas caixas. Por suposto, tamén podemos deixar que sexa a nosa ex parella quen veña a empaquetalas e recollelas. Con todo, persoalmente  esta opción paréceme bastante máis dura. Paréceme máis difícil por 2 motivos, 1) que a nosa ex parella volve estar na nosa casa e 2) que queda un espazo que non fixemos nós se non outra persoa que se vai da casa. Por estes 2 motivos, prefiro ser eu quen recolle.

Unha vez empaquetadas as cousas -lembremos que as caixas non se van a mover por si soas- teñen que ser transportadas. Alguén ten que levalas. Ou as levamos nós ou a nosa ex parella ou un coñecido, pero alguén. Isto que parece obvio, pois resulta que non o é, e meses despois da separación poida que aínda nos sigamos tropezando coas pertenzas da nosa ex parella na nosa propia casa.

A que esperamos para desfacernos desas cousas? A que as leve, respondemos. Tamén llas podemos levar nós ou mesmo enviar por transporte.

E a ex parella por que non as leva? Pois realmente eu non o sei, pero son varias as persoas que me dixeron que se unha persoa non recolle as súas cousas é porque así mantén ese espazo ocupado, tenta dalgún xeito manter a súa presenza aí. Así que o entendo como unha especie de usucapión, coma os cans que marcan o seu territorio co seu pipí.

Se empaquetadas as cousas, dados varios avisos de entrega, e transcorrido un tempo prudencial as pertenzas da nosa ex parella seguen nos nosos dominios porque ao ex non lle deu a real gana de recollelas,  desfagámonos delas, por exemplo, vendámoslas. Móbil en man, unha foto, subir a wallapop e vendida! Sempre hai unha persoa interesada nun casco de moto ou nunha bici estática.

Vendelas será unha liberación pois gañaremos espazo e uns cartiños cos que convidar os amigos a uns viños. Parece un bo plan, se?

E se wallapop non funciona, entreguemos as cousas á beneficencia. Fagamos limpeza con seguridade. Se á ex parella non lle importou a súa sombrilla da praia en pleno mes de xullo, moito menos vai chamar para recuperar esa sombrilla no mes de xaneiro.

Facer limpeza tráenos aire renovado, máis espazo nos caixóns e máis amplitude nas habitacións.

O exercicio que propoño neste post é aparentemente sinxelo. Abre os armarios do caixón e saca todo para fora. Limpa o caixón e volve guardar sólo aqullo que uses e precieses. Desfaite do resto de cosas que nin uses nin precieses. E aquello que non é teu, devólvello, cun prazo de entrega determinado. Non sintes a liberación?

Anímote a compartir esta publicación con quen creas que lle pode resultar de interese.

Lembra que no post “Cómo superar unha ruptura en tempo récord” aparece a listaxe dos posts con pasos para recuperarse con éxito dunha ruptura sentimental.

Vémonos no seguinte paso, no seguinte post.

Versión en español