16. Recuperar as nosas pertenzas

-
Agora, que o verán está a chamar ás portas e que aínda non fai tanto calor, aquí estou na terraza dun bonito edificio gozando dunhas espectaculares vistas sobre a cidade, escribindo sobre o amor, o desamor e cómo recuperarse tras unha separación sentimental.

Este post non o tiña previsto, mais xurdiu. Como tamén xurdiu  ”¿Mantera amizade tras unha ruptura?”. Este post xurdiu ao ver as reaccións que provocou o post anterior “Facer limpeza  e devolver as cousas do teu ex”.  Pois... ¿qué pasa se é o teu ex quen  ten cousas que che pertencen e non chas devolve? ¿Quen non se viu nunha destas?  Roupa, mobles, fotos, xoias...

Os motivos polos que a nosa ex parella non nos devolve as nosas pertenzas poden ser varios, entre eles,
  • está moi atarefada/o coa súa nova vida e non ten tempo para devolvelas,
  • quere manter ese lazo de unión invisible. Se, ese que sentimos que desaparece cando lle devolvemos todas as cousas á nosa anterior relación sentimental
  • non lle dá a real gana. Témolo claro, sí?


Desde a miña experiencia e cando a rabia por non gozar das miñas pertenzas non me impedía ver,  logrei albiscar 4  opcións ante esta situación. Que marabilloso é poder elixir...

1. Contactar á ex parella e pedirlle que nos devolva o que é noso. Aquí hai 2 cuestións que eu considero importantes a ter en conta
  • O prazo. Debemos indicar un prazo máximo de entrega. Para que a devolución non se perda nos tempo dos tempos.
  • Non é necesario quedar nin mesmo verse. Pódese utilizar o servizo dun bo amigo que se ofrece a recoller as nosas cousas, ou o servizo de transportes.

2. Practicar o desapego (lémbroche que podes ler o post sobre o desapego) e dalas por perdidas. Non as necesitamos para vivir, verdade? podemos respirar perfectamente sen ter ao noso alcance o que algún día foron nosas pertenzas.

3. Ter paciencia e  confiar en que o momento de recuperar as nosas pertenzas chegará. Lembremos que podemos respirar e por tanto vivir sen as nosas pertenzas que están aínda en poder da nosa ex parella. E cando poderemos recuperar as nosas pertenzas? Pois cando a nosa ex parella atope paz interior e sexa capaz de romper o vínculo invisible e devolvérnolas, ou cando se lle pase o perrinche do egoísmo, ou cando se cansou de andar de festa e atope un oco na súa axenda para devolvérnolas.
A paciencia, esa virtude tan difícil de traballar.

4.- Reclamación xudicial por apropiación indebida. Un pouco excesivo por unha pezas de roupa, sí?

A alguén se lle ocorre algunha outra forma mellor de recuperar as pertenzas que aínda están na casa da nosa ex parella? Anímote a compartir o teu parecer sobre este asunto e a compartir esta publicación se che resultou interesante.


Vémonos no seguinte paso, no seguinte post.
Versión en español

Comentarios

Publicar un comentario

Publicacións populares deste blog

10. ¿Manter a amizade tras unha ruptura?

-
Imaxe
Este post non o tiña previsto, pero surxiu ao ver as reaccións do post anterior sobre a “ Comunicación cero ”. Este post non é como os demáis. Este post é unha reflexión en alto, mais ben, unha reflexión escrita . Foron varias as persoas que me contactaron para falar sobre o feito de manter a amizade tras unha ruptura . E vin 2 bandos ben diferenciados, - Por unha banda, aqueles, e deixame dicir que a minoria, que defendían que era bo e posible  manter a amizade despois dunha separación e - Por outra banda, aqueles  que, coma min, pensamos que manter a amizade xusto despois dunha ruptura é unha utopí a. Unha moi boa amiga tamén me chamou para dicirme que, se ben a Comunicación Cero era necesaria, tamén era triste non manter ningún tipo de comunicación cunha persoa coa que compartiramos parte da nosa vida e á que tanto quixéramos. O que eu penso que é triste é dicir que se mantén a amizade xusto despois dunha separación. E opino isto, porque ou ben non se va...
Ler máis

Quen se deita con nenos, levántase mollado

-
Imaxe
Cousas de consulta.  Hai un refrán popular que di que quen se deita con nenos, levántase mollado Versión en español   Non sabes como pero un día pasa, e levantácheste mollado. Ti xa hai anos que deixaches de mollar a cama, isto é, de facer pis por ti. Entón pensas en que non te deitaches cun neno. E estás no certo, non te deitaches cun neno senón cun adulto con enuresis nocturna. Entendámonos, cun adulto menor de 48 anos, por exemplo, e non cun adulto maior de 84. ¿E de onde vén esa emisión involuntaria de orinar en adultos?  De nenos que non sentiron todo o apoio dos seus pais.  Resposta do urólogo ao acompañante do paciente, mentres este esperaba polos resultados, e polo paciente.  Que de cousas se aprenden nunha sala de espera dunha clínica calquera nun pobo calquera. Cousas de consulta.
Ler máis

7. Chorar, rir e sorrir

-
Apiques de rematar esta fría estación de inverno, sinto máis forzas para continuar a escribir sobre o amor, o desamor e cómo afrontar as rupturas. Será que a primavera chama á porta? Nos días posteriores a unha ruptura podemos sentir ganas de chorar – sempre e cando non choráramos ríos e mares antes da separación e teñamos o dique xa seco;)-. Se sintes ganas de chorar, faino, exprésao, libérate,  o choro é liberado r. E moito  máis liberardor é rir despois de chorar . O  sorriso  moviliza multitude de músculos faciais e é un xesto poderosísimo.  Qué é o que non se consigue cun sorriso? E a risa moviliza multitude de músculos en xeral. Tanto o sorriso como a risa cambian a emoción, transfórmana. Sorrir.- Así que se se nos “esqueceu cómo sorrir”, se nos custa  sorrir  ou se non somos capaces de facelo, lembremos o  exercicio de SORRIR . Descoida, ninguén nos vai sacar unha foto, e incluso pode ser un sorriso forzado, o importan...
Ler máis