18. Comer e durmir

-
Nun post anterior sobre cómo superar unha ruptura sentimental con éxito e en tempo récord, falei da importancia de “Respirar”. E neste post quero tratar sobre comer e durmir, que ademáis de ser praceres son necesarios para vivir, para vivir con calidade.

Calquera contratempo, calquera preocupación aféctanos no sono e no apetito. Qué dicir dunha ruptura? Cómo nos pode afectar unha ruptura na nosa capacidade para conciliar o sono ou na inxesta de alimentos? Comer e dormir ben son pasos para recuperarnos con éxito dunha separación.

Un mesmo feito afecta de xeito diferente ás persoas. Teño unha moi boa amiga e compañeira de traballo que sempre me di, “a situación que a ti che adelgaza a min engórdame”, non é que a mesma situación de estrés laboral faga que eu quede nun espagueti e ela hinche coma un globo, senón que ante a mesma situación o meu apetíto péchase e o seu ensancha. O noso organismo reacciona de xeito diferente.

Do mesmo xeito, hai un tempo outra boa amiga compartiu que a súa última separación lle afectara moito, coma nunca. E que se lle pechou o apetito e non fora capaz de probar bocado nuns dias, sen embargo, o sono non se viu afectado.

Pois ben, na última ruptura sentimental, o meu apetito non se viu afectado. Tiña fame e comía, desfrutaba dos manxares que familia e amigos cociñaban para que eu desfrutara de momentos agradables. O que se viu afectado foi o meu sono. E xá non tanto no momento de conciliar o sono, pois ás 23h horas estaba morta de sono, senon na calidade do mesmo. Non lograba durmir máis de 3 horas seguidas.


Cómo ser feliz sen unha alimentación saudable e sen durmir un mínimo de 7 h, á vez que ao corazón está adoecido? Nin idea. Por iso, debemos esforzarnos en comer en cada comida e intentar durmir. Comer mantén o corpo e durmir o espíritu. Durmir aquieta a cabeza, os nosos problemas foron consultar coa almofada e así o soño reparador fai que nos ergamos máis felices.

O exercício que propoño neste post trata de conseguir un bo soño. Establecer un ritual do soño, deitarse á mesma hora e facer antes as mesmas actividades, como por exemplo: Darnos unha ducha relaxante ante de ir durmir, masaxear o corpo com aceite, cepillar os dentes e meternos na cama.  Na cama, evitar teléfonos e aparatos electrónicos, evitar calquera actividade que nos poida alterar o sono (ler, ver vídeos de youtube...), pero facer aquelas que potencian a relaxación, meditar, escoitar mantras relaxantes....ter sábanas de tacto agradable, colocar debaixo da almofada un saquiño de lavanda, para que a súa fragancia impregne a cama e nos axude a relaxarnos, e así poder conciliar o sono. Un moi bo sono, para poder ter un bo día e estar máis preto de ter superado a ruptura.

Anímote a compartir esta publicación con quen creas que lle pode resultar de interese.
Vémonos no seguinte paso, no seguinte post.

Comentarios

Publicar un comentario

Publicacións populares deste blog

10. ¿Manter a amizade tras unha ruptura?

-
Imaxe
Este post non o tiña previsto, pero surxiu ao ver as reaccións do post anterior sobre a “ Comunicación cero ”. Este post non é como os demáis. Este post é unha reflexión en alto, mais ben, unha reflexión escrita . Foron varias as persoas que me contactaron para falar sobre o feito de manter a amizade tras unha ruptura . E vin 2 bandos ben diferenciados, - Por unha banda, aqueles, e deixame dicir que a minoria, que defendían que era bo e posible  manter a amizade despois dunha separación e - Por outra banda, aqueles  que, coma min, pensamos que manter a amizade xusto despois dunha ruptura é unha utopí a. Unha moi boa amiga tamén me chamou para dicirme que, se ben a Comunicación Cero era necesaria, tamén era triste non manter ningún tipo de comunicación cunha persoa coa que compartiramos parte da nosa vida e á que tanto quixéramos. O que eu penso que é triste é dicir que se mantén a amizade xusto despois dunha separación. E opino isto, porque ou ben non se va...
Ler máis

Quen se deita con nenos, levántase mollado

-
Imaxe
Cousas de consulta.  Hai un refrán popular que di que quen se deita con nenos, levántase mollado Versión en español   Non sabes como pero un día pasa, e levantácheste mollado. Ti xa hai anos que deixaches de mollar a cama, isto é, de facer pis por ti. Entón pensas en que non te deitaches cun neno. E estás no certo, non te deitaches cun neno senón cun adulto con enuresis nocturna. Entendámonos, cun adulto menor de 48 anos, por exemplo, e non cun adulto maior de 84. ¿E de onde vén esa emisión involuntaria de orinar en adultos?  De nenos que non sentiron todo o apoio dos seus pais.  Resposta do urólogo ao acompañante do paciente, mentres este esperaba polos resultados, e polo paciente.  Que de cousas se aprenden nunha sala de espera dunha clínica calquera nun pobo calquera. Cousas de consulta.
Ler máis

7. Chorar, rir e sorrir

-
Apiques de rematar esta fría estación de inverno, sinto máis forzas para continuar a escribir sobre o amor, o desamor e cómo afrontar as rupturas. Será que a primavera chama á porta? Nos días posteriores a unha ruptura podemos sentir ganas de chorar – sempre e cando non choráramos ríos e mares antes da separación e teñamos o dique xa seco;)-. Se sintes ganas de chorar, faino, exprésao, libérate,  o choro é liberado r. E moito  máis liberardor é rir despois de chorar . O  sorriso  moviliza multitude de músculos faciais e é un xesto poderosísimo.  Qué é o que non se consigue cun sorriso? E a risa moviliza multitude de músculos en xeral. Tanto o sorriso como a risa cambian a emoción, transfórmana. Sorrir.- Así que se se nos “esqueceu cómo sorrir”, se nos custa  sorrir  ou se non somos capaces de facelo, lembremos o  exercicio de SORRIR . Descoida, ninguén nos vai sacar unha foto, e incluso pode ser un sorriso forzado, o importan...
Ler máis